Search
петок 18 октомври 2019
  • :
  • :

Во Неготино почна изградба на социјална зграда, на ред се Скопје, Велес, Виница

Во Неготино почна изградба на социјална зграда во која ќе можат да се вселат 62 семејства од социјално ранливите категории. Според Генералниот директор на АД за изградба и стопанисување со станбен и деловен простор од значење за Републиката, Кристијан Трајковски, рокот за изградба е 18 месеци.

-Можно е оваа зграда да биде завршена и пред утврдениот термин и сите оние лица кои имаат проблем во делот на станбеното прашање, а ги исполнуваат критериумите порано да добијат кров над глава – изјави Трајковски.

Министерот за транспорт и врски, Горан Сугаревски, најави вакви објекти и во други градови.

„Наша обврска е да создадеме услови сите овие лица да добијат кров над глава, сигурност и подобри услови за живот. Годинава ќе отпочнеме да градиме згради со ваква намена и во Гевгелија, Виница, Пехчево, Свети Николе, Дебар, Велес и Скопје. Ова е еден од начините како оваа Влада води сметка за згрижување на овие лица – рече тој.

loading...