Search
среда 11 декември 2019
  • :
  • :
Најнови Вести

Русковска: Очекував повеќе обвинети да признаат вина, Боки не ми беше другарче туку мајка му

Обвинителката која го води случајот „Рекет“, Вилма Русковска е задоволна од почетокот на судењето за случајот, но вели дека очекувала признание на вина од повеќе обвинети, а не само од обвинетиот Зоран Милевски Кичеец.

Таа пред новинарите го кажа дел од воведниот говор од судницата. За тврдењето на Бојан Јовановски дека со поранешнатра специјална јавна обвинителка, Катица Јанева седел во ресторани исто колку и со обвинителката Вилма Русковска. „Јас се познавам со неговата мајка, ние сме генерација, се познаваме од прво одделение. Јас лично Јовановски го запознав кога бев прв пат на гостување во 1 ТВ. Во ресторан сум била со него само на прославата на телевизијата“, рече Русковска.

Утре пресуда за Кичеец кој призна вина во „Рекет“

Пресудата за Зоран Милевски Кичеец ќе биде објавена утре, откако денеска на судењето за случајот „Рекет“ призна вина.

По неговото признание доказите кои се однесуваа на него се издвојуваат од предметот и не се изведуваат пред судот.

-Со оглед дека обвинетиот ја призна вината се докажа дека го сторил делото. Предлагам судот да му изрече казна ценејќи ги сите олеснителни и отежителни околности, рече Русковска, пред да се одлучи за казната.

Неговиот адвокат Александар Новаковски рече дека очекува условна казна за неговиот клиент.

-Се соочивме со ситуација во која обвинетиот кој како сведок можел да го избегне обвинението, но може од незнаење, се довел во ситуација да биде обвинет. Од тој момент истиот не бил соработник со обвинителството, иако се шпекулираше. Откако се донесе одлуката за обвинение, првата негова цел беше да каже сето она што го знае, рече Новаковски, кој додаде дека обвинетиот е татко на пет деца и досега не е осудуван.

Кичеец, инаку, низ годините важи за близок соработник на Орце Камчев, поради што и тешко се прифати предавството од страна на бизнисменот.

Кичеец се гонеше за кривичното дело „Примање награда за противзаконито влијание“ според член 359 став 7, а за што е предвидена затворска казна од 1 до 10 години.

Судењето за Бојан Јовановски и Катица Јанева кои се изјаснија за невини ќе продолжи на 6 декември, кога е предвидено да сведочат Камчев и неговата сопруга Ана Камчева.

loading...