Search
среда 19 февруари 2020
  • :
  • :

Кирацовски: Секако дека одржувањето на изборите е доведено во прашање.

Статија која интригира и моја изјава за Фокус:

Секако дека одржувањето на изборите е доведено во прашање. Со оглед на актуелните случувања во парламентот каде преку тактизирање и политички игри се избегнува гласањето на битни законски решенија, т.е. Законот за ЈО и Советот на ЈО, Изборниот законик и законот за Одбрана, во прашање е доведена довербата меѓу коалиционите партнери, како и стабилноста на актуелното парламентарно мнозинство. Таква ситуација, на неколку денови пред распуштање на Собранието, ние како одговорни политичари не смееме да си дозволиме. Имено, граѓаните од нас, пред се, очекуваат испорачување на правда во нашата Македонија, нешто кое е условено од Законот за ЈО.

Очекуваат да се изгласа и законот за Одбрана кој претставува инструмент на практичната реализација на договорот за влез во НАТО, што впрочем го изгласавме пред некој ден. Граѓаните, исто така очекуваат разрешување на актуелната министерка Мизрахи, поради Уставно прекршување. Ова се прашања околу кои не смее да има компромис, особено не со политички тактизери кои бараат начин да ги заобиколат истите. Токму затоа, мошне реално и можеби, доколку овие евидентни проблеми не се надминат, неопходно ќе биде формирање на ново, похомогено, државнички определено парламентарно мнозинство кое ќе формира цврста Влада која ќе биде организатор на редовни парламентарни избори.

loading...